رمضان كريم

رمضان كريم
هلت أيام الإحســـــــــــــــــــان هلت أيام الغفــــــــــــــــــــران
والدعوه بتوصل ف اللحظــــه لما بتدعيها ف رمضـــــــــان
عاوزك ماتفكرش ف نفســــك وتسيب الناس الغلبانـــــــــــه
وتسوي الحاجه اللي ف نفسك قدام الناس الشقيانــــــــــــــه
لو عندك كام قرش زيــــــــاده مش لازم تتفشخر بيــــــــــهم
وبتعمل نفسك مالســــــــــــاده لامم ناس وبتخطب فيـــــــــهم
الإحسان مش لازم يظـــــــــهر قدام الخلق وتتمنـــــــــــــــظر
وبتعمل فيها الشيخ ريشـــــــه مش شاغلك غير بس المظهر
طهر نفسك واغسل ذنبــــــــك فرصه وجت لك حد البــــــاب
زكي وحب الناس من قلبـــــك وادعي الغفار التـــــــــــــواب
ليلة القدر اوع تفوتهـــــــــــــا إسهرها وماتنامش ليلتهـــــــا
صلي وسبح واذكر ربــــــــــك يمكن تتهني برؤيتهـــــــــــــا
ياللا اتوضي وسمي وصــــلي وانوي صيام الشهر وخــــلي
قلبك مليان بالإيمــــــــــــــــان والخير والحب ف رمضـــــان